Le site du Kabyle rationnel

jeudi, 30 octobre 2014 · 108 visiteurs · 8205 Articles · 1297 breves ·  66530 commentaires

Accueil > Kabylophonie > kunwi d nekni (III) et fin

kunwi d nekni (III) et fin

, par

Uday ass-a, yuɣal yuli leqder-is, yekkes fell-as lbaṭṭel, (yekkes-it af yiman-is) d ddel. Anida yedda, ittuqder, ittwaḥemmel, yenɛez. Aɛraven uɣalen seg webdil n wid ɛefsen ddawa-t-sen iḍelli, maca ulac agdud ara yesɛeddin ayen i sɛeddan wat Israël. Ayen sɛeddan d ayen isɛedda Sidna Yub, maca sebren, ar ass-a d iṣebbaren i llan. Sidna Yub agi qqaren-d at zik: idder netta "qelɛen-d yeɣsan-is", ssura-s tettrib, taksumt-is tettmir weḥdes netta yedder. Timuḥqranit d lbaṭṭel annect bɣun qqimen ad uɣalen ad ksen, maca ur ad tekkes ara iman-is alamma tbeddeḍ-d ar ɣer-sen aten-temḥuḍ a bnadem. Illa wawal deg umedya: "taɛkkazt ad ak-tterquɣ ernu-as aseḥlelli". Imaziɣen s lekmal-nsen ur llan ara di miḥyaf i yeblan udayen, ur wwin ara tamuḥqranit, maca imaziɣen azaglu yuder-iten s ddaw uberrani n ṛuman; mačči sbedden aḍabu i yeddan af ufus-nsen i yɛeddan d imnekcem : arumani, afniq, aɛrab, aterki, afransis. Yezga di tmurt-nsen, mi yeffeɣ yiwen ad d-yuɣal wayeḍ, s nnuba id-ttasen. Aten-ikellex, aten-yesgen u asen-yini : " kunwi d nekni yak yiwen udrum deg id nefruri, yyawt kan a nget yiwen wexxam nneɣ ! ". Assagi yuɣal uzaglu nniḍen, d win n ddin ak d tmeslayt i srekben ɣef tẓallit, i s iɣ-ttkellixen aɛraben-awal neɣ imtɛarben ttemtɛarbin. Rran-asen aleggam n tsusemi am aten-id-yali wawal s tutlayt n tmaziɣt deg uzniq. Seg asmi id yeffeɣ imnekcem afransis i tnayen usettin; Ɛudden tura dayen mi nnuɣen kan sebɛa iseggasen, ssufɣen afransis, ifuk lhemm fell-asen. Akken yeffeɣ ufransis yuɣal-d win niqal ɛudden d gmat-sen. "A nak ulac lexdiɛa ger watmaten", id qqaren at zik. Uɣalen dɣa wiggi yerran iman-nsen d tarwa taɛerbit timnekcemt si zzman n Ɛuqba Unafaɛ id yewwin aqwran id isbanen "tafat i imaziɣen" (akka id nnan). Seg imiren, i tnayen usettin, nnan-asen : tura kunwi uɣalet rrif "a nezzi i tesqamut a nečč " d nekwni i d imezwura, awen-d-neǧǧ tisigert, yaxi "Aɛrab yezwar amaziɣ zzat n Yillu". Iqqim waɛrab i tesqamut issegra-asen-d iɣsan d uḥettiten am yiḍan. Seg imiren, yenna-asen: "tura kunwi d nekni yiwen laṣel",yiwet n ljedra, i deg d-nefruri, ilaq a nesduklet adrum d yedles. Yak ssawḍen armi i sen-id-nnan :"kunwi tusam-d si Lyaman tacerqit". Wagi it-id-yennan d Buxerruba Muhemmed Ben Brahim (Huwar Bumedyen) netta d lewzi-ines Lmulud Nat Belqasem. Tura azgen n lqern uya mazal lla tebbin deg-sen akken ad gen akk am nutni, ad sawalen awal-nsen, ad ǧǧen meṛṛa laɛwayed -nsen, tid id izegren yal d lqern. Ihi, ma tebɣam ad tfehmem: sebba n lkerh n waɛraben ar wudayen acku ugin ad beddelen ddin-nsen s win n nnbi Muḥemmed aɛrab. Waqila lɣecc d uɣunzu i ten-izedɣen aɛraben ar imaziɣen am wagi n wudayen, axater ugin ad beddelen iles d laɛwayed s tid n CCerq Alemmas.

TFUK

Répondre à cet article

modération a priori

Attention, votre message n’apparaîtra qu’après avoir été relu et approuvé.

Qui êtes-vous ?
Ajoutez votre commentaire ici
  • Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

Suivre les commentaires : RSS 2.0 | Atom

SPIP | | Plan du site | Suivre la vie du siteRSS | Contact | Développeur Kuhn Services | Hébergeur Planethooster